Chandan Singh

January 31: Kisan Andolan

सीके राउतको चुनावी तयारी : उम्मेदवार छनौटदेखि चुनावी खर्चको जोहोसम्म . शनिबार पाँच दलीय सत्ता गठबन्धनले चुनावको बारेमा गरेको निर्णयलाई जनमत पार्टीले स्वागत गरेको छ । जेठभित्र स्थानीय तहको चुनाव गर्ने गठबन्धनको निर्णय स्वागतयोग्य रहेको बताउँदै जनमत पार्टीका महासचिव चन्दन सिंहले चुनावको मिति र कार्यतालिका तत्काल घोषणा गर्नुपर्ने बताउँछन् । ........ चुनावलाई केन्द्रीत गरेर जनमत पार्टीले यो बीचमा माटो संकलन अभियान, कभरेज अभियान र अपन बुथ सब स मजबुत अभियान गरी तीनवटा अभियान सञ्चालन गर्यो । त्यसमध्ये बुथ मजबुत अभियान अझै चलिरहेको सो पार्टीका नेता बीपी साहले बताए । ....... झापादेखि कञ्चनपुरसम्म सम्पूर्ण स्थानीय तहमा संगठनको पहुँच बनाउन ‘कभरेज अभियान’ चलाइएको थियो । असोज १ गते सम्पन्न केन्द्रीय समितिको बैठकले मधेस कब्जा गर्ने रणनीतिअनुसार कभरेज अभियान चलाउने निर्णय गरेको थियो । सो निर्णयअनुसार पार्टीले पालिका तथा वडा तहमा अधिवेशन गर्दै संगठन विस्तारको काम गरेको थियो । अब ती तहमा चुनावी रणनीतिअनुसार बुथ अभियान चलाउने निर्णय पार्टीले गरेको छ । ...... प्रदेश १, मधेश प्रदेश र लुम्बिनी प्रदेशको सबै स्थानीय तहमा जनमत पार्टीको संगठन पुगिसकेको नेता साहको दावी छ । सुदूरपश्चिम प्रदेशको कैलालीमा ७ वटा र कञ्चनपुरको ६ वटा स्थानीय तहमा जनमतको संगठन निर्माण भएको उनले जानकारी दिए । ...... माटो संकलन अभियान हाललाई स्थगित गरिएको छ । स्थानीय तहको चुनावलाई केन्द्रीत गर्दै जनमत पार्टीले स्थानीय तहहरुबाट माटो संकलन गर्ने अभियान चलाएको थियो । मेचीदेखि महाकालीसम्म तराई मधेशका २० वटा जिल्लाका प्रत्येक मधेशी बाहुल्य पालिकामा पुगेर त्यहाँको माटो सङ्कलन गरी ‘मधेश एकता उद्यान’ निर्माण गर्ने निर्णय पार्टीको छ । ........ स्थानीय चुनावअघि तराई मधेशका २० वटै जिल्लाको पालिकामा अध्यक्ष राउत आफै पुगेर माटो संकलन गर्ने तयारी थियो । तर लुम्बिनी प्रदेशको स्थानीय तहबाट माटो संकलन गरिसकेर अर्को प्रदेशमा सुरुवात गर्ने तयारी भइरहेको अवस्थामा अकस्मात किसान आन्दोलन गर्नुपर्ने अवस्था आयो र अभियान स्थगित भएको नेता साहले बताए । ........ एउटा वडाबाट तीनजना उम्मेदवारको नाम माग गरेको छ । सो नाम बुथ कमिटी, नगर कमिटी, जिल्ला कमिटी हुँदै केन्द्रीय कमिटीमा पुग्ने बताइएको छ । उम्मेदवारको अन्तिम नामावली केन्द्रले टुंगो लगाउनेछ । ........ पार्टीले चुनावमा पार्टीले कसैलाई कुनै खर्च नदिने भन्दै आआफ्नो चुनावका लागि आफै व्यवस्था गर्न पनि नेताहरुलाई निर्देशन दिएको छ । चुनावमा उम्मेदवारी दिनुअघि नै आआफ्नो रकमको व्यवस्था गर्न पार्टीले निर्देशन दिएको छ । पार्टीले वडाध्यक्षको उम्मेदवारका लागि एक लाख पच्चिस हजार, पालिका अध्यक्ष तथा मेयरका लागि एक वडा बराबर एक लाख पच्चिस हजार गरी जति वडा छन् त्यति बराबर, प्रदेश सभा सदस्यका लागि २५ लाख र प्रतिनिधिसभा सदस्यका ५० लाख रुपियाँ व्यवस्था गर्न निर्णय गरेको छ । ...... पार्टीको बैठकमा अध्यक्ष राउतले भनेका थिए, ‘चुनावमा जो जो उम्मेदवार बन्नुहुन्छ, त्यसलाई पार्टीले एक रुपियाँ दिने छैन, चुनावको खर्च आफैले व्यवस्था गर्नुपर्छ । चुनावका लागि मतदाता खरिद गर्न होइन, सामान्य खर्चका लागि रकमको व्यवस्था गर्नुस् ।’ जुन रकम पार्टीले व्यवस्था गर्न भनेको छ, त्यो रकम पार्टीलाई दिनुपर्दैन, चुनावमा प्रचार प्रचारका लागि खर्च गर्नका लागि मात्र रहेको पार्टीले स्पष्ट पारेको छ । ..... पार्टीले नागरिकता नभएकाको पहिचान गरी मतदाता बनाउन माग गरेको छ । त्यसका साथै विदेशमा रहेका नेपाली नागरिकलाई पनि चुनावमा सहभागी गराउन माग गर्दै पार्टीले पार्टी दर्ताको क्रममा दिएको चुनाव चिन्हलाई नै निर्वाचनमा कायम गर्नुपर्ने माग पनि गरेको छ । .

सत्तामा बस्नेले सबैको कुरा सुनिदिए पनि कहाँ आन्दोलन हुन्छ र ? सरकारले जनताको कुरा नसुनेर त आन्दोलन हुन्छ @nepalviewsnv @Navin_reporter @drckraut
मधेशी दलहरूले मधेशी जनताका एजेण्डा र अपेक्षा पूरा गरेनन्ः सीके राउत (भिडिओ) https://t.co/mk04Zo1Lly

— Rajaram Gautam (@Rajaramgautam) January 31, 2022

किसान आन्दोलन गोरुगाडा जुलुस - माघ १७, सिरहा सदरमुकाम। pic.twitter.com/7ZRn2HICEq

— Dr. CK Raut (@drckraut) January 31, 2022

जय जवान, जय किसानको नारा ई. १९६५ को भारत-पाक युद्ध दौरान भारतका प्रम शास्त्रीले दिएका थिए।

तर हाम्रो किसान आन्दोलनमा 'जय जवान' नारा सर्वथा अनुपयुक्त छ। केहीले नबुझेरै लगाउँछन्, तर यस्तै रहे हामी भन्छौं: किसानमाथि दमन गर्ने प्रहरी जवान - मुर्दाबाद ! @NepalPoliceHQ @nepalnhrc pic.twitter.com/qVUvSwpn3W

— Dr. CK Raut (@drckraut) January 31, 2022

खै के ! pic.twitter.com/hTe5E2rLkj

— Dr. CK Raut (@drckraut) January 31, 2022

बारम्बार जसपा हामी विरुद्ध लागिपरेको छ । जनकपुरधाममा भ्रष्टाचारमा जनताले जनकारबाही गरेपछि त्यसको विरुद्ध विरोध जुलूस निकाल्ने, पार्टी कार्यालयमा हमला गर्ने काम जसपाले गर्‍यो । @drckraut को अन्तर्वार्ता ; https://t.co/92hdkKEmVl

— Onlinekhabar (@Online_khabar) January 31, 2022

किसान आन्दोलन अन्तर्गत आज गोरुगाडा जुलुस। अपडेटका लागि: https://t.co/xNqaGWCqCv pic.twitter.com/1W1jaIq8W3

— Dr. CK Raut (@drckraut) January 31, 2022

चिसो मौसममा मधेशको गामघरमा घुर ताप्दै किसान आन्दोलनको पक्षमा वोल्दै किसानले स्थानिय प्रतिनिधी/नेताहरु संग यसरी बहस
गरेको देखिन्छ। किसानको समस्या हल नगरी नेताहरुले भोट माग्न आए बाऊको वियाह देखाईदिने भन्दै एक किसान। @drckraut @hamrorabi @PM_nepal_ pic.twitter.com/oFHlmmFHcV

— बृषेश (@Brikhesharma) January 31, 2022

स्था तह निर्वाचन ऐन २०७३ को धारा २६(५ )मा निर्वाचन आयोगमा दर्ता भएको दललाई उसको निर्वाचन चिन्ह दिने स्पष्ट व्यवस्था हुँदाहुँदै २६(६) र २६(७) को जालझेल दफा सत्ताधारी पार्टीले अरू दललाई पाखा लगाउनैका लागि जोडजाड गरेको प्रष्ट छ। सो दफा खारिज हुनुपर्दछ।@SherBDeuba @ECNepal @EOCNEPAL pic.twitter.com/BowiQ3psmE

— Dr. CK Raut (@drckraut) January 31, 2022