उदयपुर, सिन्धुली, मकवानपुर, चितवन, सुर्खेत सब मधेस हो

उदयपुर, सिन्धुली, मकवानपुर, चितवन, सुर्खेत सब मधेस हो। 

मधेसी नेताका ढिस्का हरु

राजा जनकले त्यो जमाना मा हिमालय देखि गंगा सम्म राज गरेको। आज का मधेसी नेताले कमसेकम केही ढिस्को हरु माथि राज गर्ने हो। चुरिया पहाड़ लाई आफ्नो उत्तरी सीमाना नमान्ने। अझ उत्तर जाने। सुर्खेत, चितवन, मकवानपुर, सिन्धुली, उदयपुर लिने, झापा, मोरंग, कैलाली, कंचनपुर दिने। Give and take.

सांस्कृतिक विविधताको धन र अमेज़न जंगलको जैविक विविधताको धन

राजनीतिमा समावेशी समावेशी जुन भनिन्छ त्यसको गहन महत्व छ। नेपालको जल सम्पदा धन हो। मोदीले त भनेका छन, त्यस जल सम्पदा मात्रले पनि नेपाललाई First World Country बनाइदिन सक्छ। सही कुरा। नेपालमा रहेको जैविक विविधता पनि त्यस्तै धन हो। बिल गेट्स भन्छन, यदि उनले आज शुरू गर्ने हो भने उनले सॉफ्टवेयर कम्पनी शुरू नगर्ने, बायोटेक कम्पनी शुरू गर्ने।

नेपालको जल सम्पदालाई ब्राज़ीलको जल सम्पदासँग तुलना गरिन्छ। अर्को तुलना गर्नेपर्ने जैविक विविधताको रुपमा रहेको सम्पदा पनि हो। ब्राज़िलको अमेज़न जंगल भनेको जैविक विविधतामा नंबर वन। त्यो जंगल फँडानी गरेर खेतिपाती गरेर पैसा कमाउनु भन्दा त्यो जंगल कायम राखेर त्यस बाट बायोटेक कम्पनीहरु शुरू गर्नु आर्थिक फाइदाको हिसाबले आकाश पातालको फरक। सिन्धुलीमा धान खेती गरेर बढ़ी पैसा कमाउन सकिन्छ कि त्यहाँ सॉफ्टवेयरको हब बनाएर बढ़ी पैसा आउने हो? तुलनै छैन। सॉफ्टवेयर हबले तिर्ने टैक्स मात्रको हिसाब गर्ने हो भने हजार, दस हजार गुणाको फरक पर्छ।

नेपालमा जल सम्पदाको विकास त हुनुपर्छ तर जैविक विविधता मास्ने किसिमले होइन। नेपालको जैविक विविधताले भोलि नेपालमा एउटा ठुलो बायोटेक इंडस्ट्री खड़ा गर्ने हो। त्यसको संभावना ख़तम पार्नु मुर्खता हुनेछ।

नेपालमा रहेको सांस्कृतिक विविधताको पनि नेपालमा रहेको जैविक विविधता जस्तै आर्थिक महत्त्व छ। नेपालभित्र सबैभन्दा धनी संस्कृतिहरु मध्येका नेवारी र मैथिलि संस्कृति पर्दछन्। ५०० वर्षअगाडि एउटा समय थियो जति बेला काठमाण्डुमा मल्ल राजाको दरबारमा दरबारको औपचारिक भाषा नै मैथिलि थियो। अहिलेका शासकले सप्तरीमा सुद्धा सरकारी कामकाजको भाषा मैथिली हुन दिएका छैनन्। र त्यो मैथिली संस्कृति थिचोमिचो गर्ने व्यवस्थाको संस्थापक पृथ्वी नारायण शाह हो, त्यसको आधुनिक संस्थापक महेन्द्र शाह हो। त्यो पृथ्वीलाई राष्ट्रनिर्माता भन्दिने, त्यो महेन्द्रलाई राष्ट्रीयताको प्रतीक मानने जति सबैलाई शंकाको दृष्टिले हेर्नु पर्ने हुन्छ।

इतिहासमा त्यस्ता शासक पनि देखिए जिनले नालंदाको पुस्तकालय जलाए, अलेक्सांद्रियाको पुस्तकालय जलाए। पृथ्वी नारायण त्यस केटेगरीका मानिस हुन। नाक कान काट्दै हिँड्ने मान्छे। Barbaric मान्छे। सामन्ती मान्छे। उसले भनेको "चार जात छत्तीस वर्ण" मा गैर हिंदुकालागि ठाउँ छैन। त्यो आधुनिक नेपालको हविगत हुन सक्दैन। महेंद्र त्यसै पृथ्वीका सन्तान हुन। वामे त्यो महेन्द्रको पुजा आज गर्छ। सामन्तीको पुजा गर्ने मान्छे पनि कम्युनिष्ट हुन्छ?

सांस्कृतिक विविधताको धन र अमेज़न जंगलको जैविक विविधताको धन बीचको सम्बन्ध नबुझ्नेले नेपालको संघीयताको बहसमा कुनै योगदान पुर्याउन सक्दैन।

सिन्धुली सहितको जनक राज्य

मानौ यस किसिमको नक्शामा सहमति भयो। सिन्धुली, सर्लाही, महोत्तरी, धनुषा, सिरहा र सप्तरी मिलाएर एउटा राज्य बन्ने भो। यस राज्यको नाम मिथिला राख्न पनि भएन, मधेश राख्न पनि भएन। राज्यको नाम जनक राख्ने भनेर राज्य संसदले निर्णय गर्यो। राज्यमा नेपाली, हिंदी, मैथिलि भाषा चल्ने भो। सिन्धुली जिल्ला स्तरमा नेपाली मात्र। सिन्धुलीको सहभागिताले राज्यलाई राजधानीको नजिक बनाएको छ। बर्दीबास बाट सिन्धुली र बनेपा हुँदै राजधानी सम्म राजमार्ग छ। सर्लाही, महोत्तरी, धनुषा, सिरहा र सप्तरीमा कृषि र औद्योगिक क्रान्ति भएका छन भने सिन्धुलीको एयर कंडीशनर नचाहिने हावापानीले सिन्धुलीलाई बैंगलोर बनाएको छ। सॉफ्टवेयरको ठुलो उद्योग फस्टाएको छ। त्यस उद्योगमा मधेसीको ठुलो सहभागिता भएकोले जिल्लाको जनसंख्या ५०% मधेसी बन्न पुगेको छ। काठमाण्डुको अन्तर्राष्ट्रीय विमानस्थल केही घण्टा मैं पुग्ने भएकोले सिन्धुली त काठमाण्डुको एउटा suburb बन्न पुगेको छ। सिन्धुलीको चरित्र सॉफ्टवेयरले अन्तर्राष्ट्रीय बनाइदिएको छ। त्यस्तै उदयपुर, धरान, चितवन, मकवानपुर र सुर्खेत, दांगमा पनि छ। यी ठाउँहरु हावापानीको बलमा सॉफ्टवेयरको केन्द्र बनेका छन।

यस्तो भविष्यको कल्पना किन नगर्ने? एउटा हुन्छ सॉफ्टवेयर प्रोग्रामर, एउटा हुन्छ सॉफ्टवेयर बैज्ञानिक। प्रोग्रामर भन्दा बैज्ञानिक धेरै ठुलो, धेरै माथिको। तर त्यो वैज्ञानिक सीके राउतको वामदेव बाँदरले के दुर्दशा गरेर राखेको छ! यो अमानवीय व्यवहार गैर कानुनी हो, मानव अधिकारको उल्लंघन हो। अन्यायपूर्ण हो। अनैतिक हो। विभेदकारी हो।